برطانیہ پاکستان کی ایئرسیفٹی کو عالمی معیار کے مطابق لانےکا حامی

برطانوی ہائی کمشنرجین میریٹ نے کہا ہے کہ برطانیہ پاکستان کی ایئر سیفٹی کو عالمی معیار کے مطابق لانےکی حمایت کرتا ہے۔

ایک بیان میں ہائی کمشنر نے کہا کہ برطانیہ نے پاکستان کو لاہور اور کراچی کے ایئرپورٹس پر نئے اسکینر دیئے ہیں پاکستان کےایوی ایشن شعبےمیں مزیدتعاون کےخواہاں ہیں۔

رواں سال فروری میں برطانیہ کی ایوی ایشن ٹیم نے پاکستان کا دورہ کیا تھا۔ ترجمان برٹش ہائی کمیشن کا کہنا تھا کہ ٹیم نے پاکستانی حکام کو حفاظتی اقدامات سے بہترین پریکٹس سے متعلق معاونت کی۔

یو کے اسٹیٹ سیفٹی پارٹنرشپ (ایس ایس پی) کی ٹیم نے12روز پاکستان میں گزارے، برطانوی ماہرین کی ٹیم نے سی اےاے اورانڈسٹری کے ساتھ مل کر کام کیا۔

پاکستانی ایئر کیریئرز حفاظتی خدشات کی وجہ سے برطانیہ کی ایئر سیفٹی لسٹ میں موجود ہیں۔ ایئر سیفٹی لسٹ سے نکالنے کے لیے ریاستوں کو بین الاقوامی حفاظتی معیار کی تعمیل کرنا ہوگی۔

from ARYNews.tv | Urdu – Har Lamha Bakhabar https://ift.tt/h7esIYc