بھارتی ٹیم نے سیاہ پٹیاں باندھ کر میچ کیوں کھیلا؟

دبئی: ٹی 20 ورلڈ کپ کے سپر 12 مرحلے کے آخری میچ میں بھارتی ٹیم نے سیاہ پٹیاں باندھ کر میچ کھیلا۔

تفصیلات کے مطابق ٹی 20 ورلڈ کپ آخری گروپ میچ میں بھارتی ٹیم نے معروف کوچ تارک سنہا کو خراج عقیدت پیش کرنے کے لیے سیاہ پٹیاں باندھ کر میچ کھیلا۔

گزشتہ دنوں 71 سالہ تارک سنہا چل بسے تھے، وہ دہلی کے کلب کے کوچ اور اہم رکن تھے جنہوں نے کئی کھلاڑیوں کی کوچنگ کی تھی۔

بھارتی میڈیا کے مطابق تارک سنہا کی کوچنگ میں بھارت کے لیے کئی بڑے نام سامنے آئے جن میں سریندر کھنہ، منوج پربھارکر، اجے شرما، اشیش نہرا، شیکھر دھون اور رشبھ پنٹ شامل ہیں۔

#TeamIndia is wearing black armbands today to pay their tributes to Dronacharya Awardee and widely respected coach Shri Tarak Sinha, who sadly passed away on Saturday.#T20WorldCup #INDvNAM pic.twitter.com/U2LHEtsuN9

— BCCI (@BCCI) November 8, 2021

تارک سنہا ان پانچ کرکٹرز میں شامل ہیں جنہیں کھیلوں کے مشہور بھارتی ڈرون آچاریا ایوارڈ سے نوازا گیا تھا۔

واضح رہے کہ بھارت نے ٹی 20 ورلڈ کپ کے آخری گروپ میچ میں نمیبیا کو 9 وکٹوں سے شکست دی تھی، بھارت نے نمیبیا کی جانب سے دیا جانے والا 133 رنز کا ہدف  16ویں اوور میں ایک وکٹ کے نقصان پر حاصل کیا۔

ٹی 20 ورلڈ کپ میں بھارت پانچ میں سے تین میچز جیت سکی، بھارت کو نیوزی لینڈ اور پاکستان سے شکست کا سامنا کرنا پڑا اور یہی ہار ان کی ورلڈ کپ سے باہر ہونے کی وجہ بنی۔

The post بھارتی ٹیم نے سیاہ پٹیاں باندھ کر میچ کیوں کھیلا؟ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/308MEdK