دیپیکا کے سب سے بڑی نقاد کون؟ اداکارہ نے بتادیا

بالی ووڈ فلم انڈسٹری کی نامور اداکارہ دیپیکا پڈوکون نے کہا ہے کہ ان کی سب سے بڑی نقاد کوئی اور نہیں بلکہ ان کی والدہ اور بہن ہیں۔

بھارتی میڈیا کو ایک خصوصی انٹرویو دیتے ہوئے دیپیکا نے کہا کہ وہ ہر ایک کی آرا کو انتہائی سنجیدگی سے لیتی ہیں اور ہمیشہ ہی تنقید کا خیرمقدم کیا ہے اور اسمیں جاننے والا یا انجان کی کوئی تفریق نہیں ہوتی۔

ان کا کہنا تھا کہ ان کے کام پر سب سے کڑی اور درست تنقید ان کے خاندان کے لوگ ہی کرتے ہیں، میری والدہ اور بہن میری سب سے بڑی نقاد ہیں اور اس حوالے سے وہ صرف اپنی فیملی پر ہی بھروسہ کرتی ہیں۔

اس موقع پر شوہر رنویر سنگھ کے ردعمل کے بارے میں سوال پر دیپیکا نے کہا کہ رنویر سنگھ اس معاملے پر کچھ نرمی دکھا دیتے ہیں لیکن والدہ اجالا اور بہن انیشا پڈوکون بالکل لحاظ نہیں کرتیں۔

واضح رہے کہ دیپیکا پڈوکون کو حال ہی میں ریلیز ہونے والی ان کی فلم گہرائیاں کے حوالے سے فلم بینوں اور نقادوں کے ملے جلے ردعمل کا سامنا رہا ہے۔

اس فلم میں دیپیکا کے علاوہ لیجنڈ اداکار نصیرالدین شاہ، انایا پانڈے، سدھانت چترویدی اور داہیریا کروا نے بھی اداکاری کے جوہر دکھائے ہیں۔

from ARYNews.tv | Urdu – Har Lamha Bakhabar https://ift.tt/Qm049Tg