نمک کی آڑ میں سمندری راستے سے ملائیشیا کو منشیات اسمگنلگ کی بڑی کوشش ناکام

کراچی: نمک کی آڑ میں سمندری راستے سے ملائیشیا کو منشیات اسمگنلگ کی ایک بڑی کوشش ناکام بنا دی گئی۔

تفصیلات کے مطابق اینٹی نارکوٹکس فورس نے منشیات کے خلاف کراچی میں بڑی کارروائی کرتے ہوئے نمک کی آڑ میں سمندری راستے سے منشیات اسمگلنگ کی کوشش ناکام بنا دی۔

ترجمان اے این ایف کے مطابق کراچی انٹرنیشنل کنٹینر ٹرمینل پر کارروائی کے دوران کنٹینر سے 26 کلو 500 گرام آئس برآمد ہوئی، برآمد شدہ آئس کو کنٹینر کے فرش میں مہارت کے ساتھ بنائے گئے خفیہ خانوں میں چھپایا گیا تھا۔

کنٹینر کراچی کی ایک نجی کمپنی کی جانب سے ملائیشیا کے لیے بُک کیا گیا تھا، کنٹینر اور منشیات قبضے میں لے کر ملوث عناصر کے خلاف مزید کارروائی کا آغاز کر دیا گیا ہے۔

from ARYNews.tv | Urdu – Har Lamha Bakhabar https://ift.tt/UzvHd7f