متحدہ اپوزیشن اور ایم کیوایم میں معاہدہ طے پا گیا، بلاول بھٹو

اسلام آباد : متحدہ اپوزیشن کے رہنما ایم کیوایم پاکستان کے وفد سے ملاقات کے بعد واپس روانہ ہوگئے، بلاول بھٹو نے دعویٰ کیا ہے کہ باقاعدہ اعلان آج کیا جائے گا۔

پاکستان پیپلز پارٹی کے چیئر مین بلاول بھٹو زرداری نے کہا ہے کہ متحدہ اپوزیشن، ایم کیوایم پاکستان میں معاہدہ طے پا گیا ہے۔

متحدہ اپوزیشن اور ایم کیوایم کے درمیان معاہدہ ہوچکا ہے، ایم کیوایم کی رابطہ کمیٹی اور پی پی پی کی سینٹرل ایگزیکٹو کمیٹی مذکورہ معاہدے کی توثیق کریں گے، جس کے بعد ہم انشاء اللہ کل میڈیا کو پریس کانفرنس میں تفصیلات بتائیں گے۔
مبارک ہو پاکستان https://t.co/60GpbqFmAA

— BilawalBhuttoZardari (@BBhuttoZardari) March 29, 2022

سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ معاہدے کی توثیق کے بعد کل میڈیا کوتفصیلات سے آگاہ کیا جائے گا، مبارک ہو پاکستان۔

دوسری جانب ایم کیو ایم رہنما خواجہ اظہار الحسن نے کہا ہے کہ متحدہ اپوزیشن نے ایم کیوایم پاکستان کے مطالبات مان لیے ہیں، تمام پارٹیوں نے ہمارےمسائل کے حل پر اتفاق کیا ہے، رابطہ کمیٹی کی توثیق کے بعد تفصیلات سامنے رکھیں گے۔

<blockquote class=”twitter-tweet”><p lang=”ur” dir=”rtl”>متحدہ اپوزیشن اور متحدہ قومی موومنٹ پاکستان کے درمیان معاہدہ نے حتمی شکل اختیار کر لی ہے <br>پیپلز پارٹی کی سی ای سی، ایم کیو ایم پاکستان کی رابطہ کمیٹی مجوزہ معاہدے کی توثیق کے بعد اس کی تفصیلات سے کل شام۴ بجے باضابطہ میڈیا کو آگاہ کیا جائے گا۔<br> <a href=”https://twitter.com/MQMPKOfficial?ref_src=twsrc%5Etfw”>@MQMPKOfficial</a> <a href=”https://twitter.com/PPP_Org?ref_src=twsrc%5Etfw”>@PPP_Org</a> <a href=”https://twitter.com/pmln_org?ref_src=twsrc%5Etfw”>@pmln_org</a></p>&mdash; Faisal Subzwari (@faisalsubzwari) <a href=”https://twitter.com/faisalsubzwari/status/1508922375211196418?ref_src=twsrc%5Etfw”>March 29, 2022</a></blockquote> <script async src=”https://platform.twitter.com/widgets.js” charset=”utf-8″></script>

ایم کیو ایم کے سینیٹر فیصل سبزواری نے اپنی ٹوئٹ میں بتایا کہ متحدہ اپوزیشن اور متحدہ قومی موومنٹ پاکستان کے درمیان معاہدے نے حتمی شکل اختیار کر لی ہے جبکہ پیپلز پارٹی کی سی ای سی اور ایم کیو ایم پاکستان کی رابطہ کمیٹی کی جانب سے مجوزہ معاہدے کی توثیق کے بعد باضابطہ طور پر میڈیا کو تفصیلات سے آگاہ کیا جائے گا۔

اس کے علاوہ پیپلزپارٹی کے رہنما فیصل کریم کنڈی کے بیان کے مطابق اپوزیشن اور ایم کیو ایم رہنماؤں کے درمیان مشترکہ پریس کانفرنس آج شام 4 بجے اسلام آباد میں ہوگی۔

from ARYNews.tv | Urdu – Har Lamha Bakhabar https://ift.tt/8tRNhCE