ایپل اور ونڈوز ڈیوائسز استعمال کرنے والے صارفین کی بڑی مشکل حل

ایپل اور ونڈوز ڈیوائسز میں اینڈرائیڈ سسٹم کی طرح تمام ایپس موجود نہیں ہوتی ہیں جس کی وجہ سے دونوں آپریٹنگ سسٹم استعمال کرنے والے صارفین کو اکثر مشکلات کا سامنا کرنا پڑتا ہے۔

لیکن اب گوگل نے ان صارفین کی یہ مشکل حل کردی ہے، اور جلد ہی ایک نئی کراس ڈیوائس سافٹ وئیر ڈویلپمنٹ کٹ (ایس ڈی کے) متعارف کرانے کا اعلان کیا ہے، جس کے بعد آئی فون اور ونڈورز ڈیوائسز استعمال کرنے والے صارفین بھی اینڈرائیڈ ایپس کو استعمال کرسکیں گے۔

گوگل کے مطابق اس نئی کٹ میں ایسے ٹولز موجود ہوں گے جو اینڈرائیڈ ایپس کو دیگر آپریٹنگ سسٹمز پر کام کرنے والے اسمارٹ فونز، ٹیبلیٹس، ٹی وی اور دیگر میں چلانے کی سہولت فراہم کریں گے۔

یہ کراس ڈیوائس کٹ وائی فائی، بلیو ٹوتھ اور الٹرا وائٹ بینڈ کو استعمال کرکے ملٹی ڈیوائس کنکٹویٹی سپورٹ فراہم کرے گی۔

اس کٹ میں موجود نیئر بائی شیئر فیچر کے ذریعے فائلز کو کروم، آئی او ایس اور اینڈرائیڈ پر کام کرنے والی دیگر ڈیوائسز پر ٹرانسفر کرسکتے ہیں۔

from ARYNews.tv | Urdu – Har Lamha Bakhabar https://ift.tt/8NaY1ZW