فیس بک کا سات سال بعد اہم سروس بند کرنے کا اعلان

میٹا نے آخر کار اپنی فوری مضامین کی سروس کو سات سال بعد بند کرنے کا اعلان کردیا۔

میٹا کے ایک ترجمان نے جمعہ کو ’گیزموڈو‘کو کی گئ ایک ای میل میں اس اقدام کی تصدیق کی اور کہا کہ اس نے پبلشرز کو مطلع کر دیا ہے کہ وہ اپریل 2023 کے وسط تک فوری مضامین کی اشاعت بند کر دے گا۔

ان کا کہنا تھا کہ اس سے پبلشرز کو متبادل حکمت عملیوں کا پتہ لگانے کے لیے تقریباً چھ ماہ کا وقت ملتا ہے، وہ ٹریفک جو فوری مضامین کے حصے کے طور پر فیس بک پر موجود ہوتی ہے وہ مبینہ طور پر ناشر کے ویب صفحات پر جائے گی۔

کسی کو بھی اس بات کا علم نہیں ہے کہ فیس بک انسٹنٹ آرٹیکلز فیس بک کے مقامی ایچ ٹی ایم ایل دستاویزات کہلاتے تھے جن کا مقصد خاص طور پر موبائل پر تیزی سے اپ لوڈ ہونا تھا۔

جس سال فیس بک نے یہ فارمیٹ متعارف کیا تو اس نے دعویٰ کیا تھا کہ فوری مضامین معیاری موبائل ویب سائٹ سے 4 گنا زیادہ تیزی سے لوڈ اور ڈسپلے کریں گے۔

یہ اقدام 2015 میں خبروں کے پبلشرز کے لیے خاص طور پر پرکشش لگ رہا تھا کیونکہ اس وقت فیس بک کی موبائل ایپ مضامین پڑھنے کے لیے سب سے بڑے ناموں میں سے ایک تھی۔

ترجمان نے گیزموڈو کو مزید بتایا کہ فی الحال دنیا بھر میں جو لوگ فیس بک کی فیڈ بیک میں دیکھتے ہیں ان میں سے 3فیصد سے بھی کم پوسٹس ہیں جن میں نیوز آرٹیکلز کے لنکس موجود ہیں۔

دریں اثناء فیس بک نے اپنے پلیٹ فارم پر مضامین کی حمایت میں کم سے کم دلچسپی ظاہر کی ہے، خاص طور پر سال 2016کے بعد کچھ غلط معلومات اور نقصان دہ مواد کی اشاعت کی شکایات کے ازالے کیلئے یہ اقدام کیا گیا ہے۔

from ARYNews.tv | Urdu – Har Lamha Bakhabar https://ift.tt/kh8oWSE