بینک کی غلطی کے بعد اے ٹی ایم کے باہر قطاریں، ویڈیو وائرل

آئرلینڈ میں بینک کے سسٹم میں پیدا ہونے والی تیکنکی خرابی کے بعد لوگوں کی اے ٹی ایمز کے باہر لمبی قطاریں لگ گئیں۔

غیر ملکی خبر رساں ادارے روئٹرز کی رپورٹ کے مطابق بینک کی خرابی کی وجہ سے صارفین کو یہ سہولت میسر ہوگئی تھی کہ وہ اپنے اکاؤنٹ میں موجود رقم سے زیادہ پیسے نکلوا سکلتے ہیں۔

اس غیر متوقع تکنیکی خرابی کی وجہ سے کئی لوگ اے ٹی ایم سے بڑی رقوم نکالنے کے لیے بینک کی طرف دوڑ پڑے حالانکہ اس کو اس بات کا علم تھا کہ ان کے اکاؤنٹس میں اتنی موجود رقم نہیں ہے۔

سوشل میڈیا پر کئی تصاویر اور ویڈیوز وائرل ہورہی ہیں جن میں 15 اگست کو ملک بھر میں اے ٹی ایم کے باہر لوگوں کی لمبی قطاریں دکھائی دے رہی ہیں۔

بینک آف آئرلینڈ کا کہنا ہے کہ اس کے پاس یومیہ رقم نکالنے کی حد 500 یورو ہے جبکہ کچھ لوگوں کا کہنا تھا کہ وہ اس رقم سے دگنا حاصل کرسکتے ہیں، رپورٹ کے مطابق تیکنکی خرابی کی وجہ سے کم بیلنس والے وہ بینک صارفین بھی 1ہزار یورو تک نقد رقم حاصل کرسکتے تھے جن کے اکاؤنٹ بھی خالی ہیں۔

رپورٹ کے مطابق مذکورہ صورتحال کو سنبھالنے کے لیے آئرلینڈ کی پولیس نے فوری کارروائی کی اور لوگوں کو پیسے نکالنے سے روکنے کیلئے قطاروں کو منتشر کیا۔

بعد ازاں بینک انتظامیہ نے اس خرابی کو دور کردیا اور بینک کی سرگرمیاں بحال ہوگئیں، بینک نے ان صارفین کو خبردار کیا کہ اگر وہ اپنی معمول کی حد سے زیادہ رقم منتقل یا نکالتے ہیں تو رقم ان کے کھاتوں سے ڈیبٹ ہوجائے گی۔

from ARYNews.tv | Urdu – Har Lamha Bakhabar https://ift.tt/zbyZF3I