شارپ بلیڈ 2023 اسنائپر مقابلے میں چین اور پاک فوج کی نمایاں کارکردگی

چینی تنظیم کی جانب سے ہر سال منعقد ہونے والے اسنائپر مقابلوں میں پہلی بار شرکت کرنے والی پاک فوج کی ٹیم نے نمایاں کارکردگی دکھا کر سب کو حیران کر دیا۔

تفصیلات کے مطابق شارپ بلیڈ 2023 اسنائپر مقابلوں میں چین اور پاک فوج نے نمایاں کارکردگی دکھائی ہے، ان مقابلوں میں 18 ممالک کی 43 اسنائپر ٹیموں نے حصہ لیا۔

پاک فوج کے 2 اسنائپرز نے شان دار کارکردگی پر بیسٹ اسنائپر شارپ بلیڈ ایوارڈ جیتا، 18 ممالک کے 86 اسنائپرز میں سے صرف 4 نے یہ ایوارڈ جیتا، جیتنے والوں میں 2 پاکستانی، 1 قازقستان اور 1 ازبکستان کا سپاہی شامل ہیں۔

پاک آرمی کی اسنائپر ٹیم پی اے ایس ایس میں آفیسرز اور فوجی جوانوں نے شرکت کی، پاک آرمی کی اسنائپر ٹیم اس طرح کے مقابلوں میں حصہ لیتی آ رہی ہے تاہم اس مقابلے میں ٹیم نے پہلی بار حصہ لیا ہے۔

دنیا بھر میں ہر سال کمبیٹ سنائپنگ مقابلے منعقد ہوتے ہیں، پیپلز آرمڈ پولیس چین کی تنظیم 2019 سے ہر سال شارپ بلیڈ مقابلہ منعقد کرواتی ہے، اور ان مقابلوں کی عالمی سطح پر پذیرائی کی جاتی ہے۔

from ARYNews.tv | Urdu – Har Lamha Bakhabar https://ift.tt/GSPuMLQ